Levamos a Tronca de Nadal t'a tuya casa
A Tronca de Nadal, Tronca de Navidat u Tizon de Navidat, ye una d'as fiestas más entrañables d'o ciclo y solsticio d'ibierno en Aragón (tamién de Cataluña do se diz o «Tió» de Nadal). A tronca de Nadal ye una celebración familiar, intima y domestica arredol d'o fuego d'o fogar, en a cuala participan toz os miembros d'a casa, pero muit especialmén as ninas y os ninos d'a familia.
Una tradición ta tota a familia
A Fundación Aragonum y o Ligallo de Fablans de l'Aragonés han recuperau ista tradición, que agún se mantiene en bels puestos d'a nuestra cheografía, y la dan a conoixer a toz os publicos, como una celebración tradicional aragonesa y como una alternativa a atras tradicions que no son tan propias u esclusivas como a tronca.
Una añada más, te convidamos ista Nadal 2024-2025 pa que viengas con as más chicotas y chicoz d'a casa ta participar en a Tronca de Nadal en o Centro Comerzial O Caracol, ubicau en o Paseyo Independencia; Cuasi 2.000 ninas y ninos, con as suyas familias, estioron celebrando con nusatros de par de a Tronca de Nadal en 2022.
Veniz con os vuestros fillos y nietos ta desfrutar d'a machia d'o tizón, d'a Tronca de Nadal. No tos lo podez perder, porque a Tronca siempre «caga» preséns ta os más chiquez.
Aragonés 
Español