¿Quí semos?
A Fundación Aragonum y o Ligallo de Fablans de l'Aragonés treballan en conchunto ta recuperar ista traza de tradicións, de fomentar o uso d'a luenga aragonesa, dar a conoixer a historia d'Aragon, y de promover, esfender y preservar a cultura aragonesa.
A Fundación Aragonum ye una entidat sin animo de lucro constituyita o 14 de mayo de 2021 en Zaragoza. A ideya d’a fundación ranca d’a necesidat de reviscolar a identidat cultural, autoreferenciata, d’a sociedat aragonesa, a traviés d’una entidat eficient y dinamica, capable d’actualizar-se de contino t’os nuevos retos d’os avances tecnolochicos, cientificos, e socials. En Aragonum pretendemos estar o motor que dinamice a ra sociedat aragonesa. A la finitiva, una entidat capable de fer atrautiva a cultura aragonesa y contextualizarla en a rapeda evolución d'as sociedaz modernas.
Nusatros, a Fundación Aragonum chunto con o Ligallo de Fablans pretendemos ser o motor que dinamice a la sociedat aragonesa en ixe sentiu
Ligallo de Fablans de l’Aragonés ye una asociación cultural creyada en 1982 con o obchetivo de promover o uso, o fomento y la esfensa d'a luenga aragonesa. O Ligallo de Fablans considera que l'Aragonés ye a luenga propia d'Aragón, y que ye menester que sea protechita, recuperata y espardita entre o conchunto d'a sociedat aragonesa ta construyir un elemento clau y estructurador d'a mesma. Dende a suya naixedura se han promoviu publicacións, y autividaz socioculturals tales como conciertos, a Tronca de Nadal o tamién a recuperacion d'os carnavals; Dende charradetas en a carrera, autividaz ludicas d'ocio, paseyos por Aragón, una botiga con mercadería, cursos de aragonés o tamién manifestacións en esfensa d'os dreitos lingüisticos d'os fablans de l'aragonés.
Se trata d'o primer movimiento serio sociocultural d'activismo y divulgación, de dinamización sociocultural y de reivindicación sociopolítica d'a luenga y cultura aragonesa.
Aragonés 
Español